Boka vart ferdig sommaren sommaren 2002, og vart utgitt på Det norske
Samlaget. Her følgjer ein kort presentasjon av innhaldet:
Boka gir ei samanfattande og diskuterande innføring i noen grunnleggande
brytningar og endringar som har utspelt seg internasjonalt i historieskrivinga
og humaniora i dei siste tiåra: frå sosialhistorie slik ho fekk
si form på 1970-talet, til meir kulturorienterte retningar, som i 1980-
og 90-åra dels førte vidare og til dels braut med både
sosialhistoriske og meir etablerte tenkemåtar innan moderne historieskriving.
Desse nyare retningane er i dag kjende under namn som m.a. historisk antropologi,
mikrohistorie, Alltagsgeschichte, poststrukturalisme, linguistic turn, diskursanalyse,
postmoderne historie og historie som forteljing. Etter kvart finst det ein
omfangsrik litteratur og debatt på dette feltet. Men lite er vorte
gjort for å formidle desse viktige brytningane ut over dei innvigde
fagmiljøa. Og i Norge har feltet vore meir prega av karikerande polemikkar
enn av forsøk på å presentere feltet med sikte på
å lære noe.
I boka prøver eg å vise vise korleis nye
teoretiske og metodiske grep kan få følgjer for måten
å skrive historie på. Samtidig er det eit mål å få
fram korleis synspunkt frå seinare år har røter i eldre
tradisjonar både innan historie og andre kulturfag. Boka presenterer
til ein viss grad også historiografiske utviklingstrekk innan feltet,
og innfører lesarane i både metodiske og filosofiske aspekt
ved dei spørsmåla det handlar om.
Målgruppa er studentar på mellom- og hovudfagsnivå. Sjølv
om utgangspunktet er historiefagleg, dreier det seg her om spørsmål
som er relevante innan fleire fag og studiar som handlar om kultur og samfunn,
og som bør kunne få nytte av boka. Målet er difor å
skrive ho på ein måte som gjer ho brukbar i fleire studiesamanhengar
enn historie.
Innhald
1 Frå sosialhistorie til nyare kulturhistorie
Kva var sosialhistorie?
Historie om glømte grupper
Samfunnshistorie
Stor teori og moderniseringsforteljing
Norsk sosialhistorie
2 Kultur – kva har (ikkje) det vore?
3 Kva var nytt ved nyare kulturhistorie?
Daglegliv og levemåtar?
Erfaringar, opplevingar og mentalitetar?
Kultur som betydningar og meiningsinnhald?
Hermeneutikk og dekonstruksjon
4 Utfordringar og vanskar
Store forteljingar
Totalitet og orden
Tekst og kontekst
Erfaring, interesser og identitetar
Desentrere blikket
Historisere begrepa
Sanningar i mytane
Forteljaren i historia
5 Kva så?
Litteratur
Register